دوّر يمكن تلاقي

بحث مخصص

الأربعاء، 1 أكتوبر، 2008

كل عيد و إحنا طيبيين

اليوم في مصر أول أيام عيد الفطر المُبارك

كل عام و أنت بخير

و كل عام و إحنا طيبيين

و يا رب السنة اللي جاية نكون أحسن.. نكون أسعد.. نكون اتخلصنا من غالبية مشاكلنا مش هأقول كلها..

نكون اتخلصنا من اللي مزهقنا و مطهقنا في حياتنا.. بشر كان أو حيوان..

يا رب السنة اللي جاية يكون اللي مش معاه حاجة .. معاه..

و اللي معاه كل حاجة و مانعها عن غيره.. متكونش معاه..

يا رب السنة اللي جاية يكون كل مظلوم ورا القضبان .. براها

و كل فاسد ظالم برا القضبان.. جواها..

كل سنة و كل حزين.. يكون سعيد..

و كل مهموم.. ربنا يفرج همه..

كل سنة و كل اتنين عايزين يبنوا بيتهم و حياتهم.. قدام ربنا و الناس.. يتوفقوا و يمنعهمش عن كده أي مخلوق..

كل سنة و كل أسرة غايب لها أب أو ابن أو أخ بره مصر عشان يوفر لهم حياة كريمة.. يكون معاهم.. و خيره لبلده و خير بلده له..

كل سنة و إحنا طيبين

و اللي يكرهنا و يكره الخير لينا ميكونش بيننا

قولوا آمين
Related Posts Plugin for WordPress, Blogger...