:::::تحديث:::::
موعد الحفل إن شاء الله
الجمعه 24 أبريل - الساعة السابعة مساءًا على مسرح الجراج
مركز الجزويت الثقافي: 298 ش بورسعيد - كليوباترا بجوار ستوديو فرح - الإسكندرية طبعًا
لأدخل في الموضوع مباشرة..
هذا فريق غنائي جديد يخرج للساحة.. بالصدفة البحتة أسس هذا الفريق اثنين من أشقائي مع صديق ثالث، وهذا ينفي الصدفة البحتة التي تحدثت عنها منذ قليل..
الفريق اسمه (زمان)، والاسم له مدلول ومعنى لدى الفريق بالطبع لا يسعني شرحه الآن.. لكن من واقع قربي من الفريق، وعملي معه كملحن، وكوني أحد أعضائه سابقًا قبل أن أتجه للكتابة مكتفيًا بالتلحين معهم فقط، أقول أنه فريق مميز، يحمل أفكارًا جديدة، وروحًا شبابية متألقة وتفيض بالحماس..
ويسعدني للغاية اليوم أن أدعو أصدقائي جميعًا، لحضور
حفل الفريق الأول
في مركز جزويت الإسكندرية يوم الجمعه
24 أبريل 2009
سعادتي غامرة، لأنني أتابع صعودهم يومًا بيوم، وأشعر الآن كأنهم أبنائي وقد بدأوا يحققون حلمهم.. سعيد بأنهم كافحوا ولم ييأسوا مطلقًا.. وأتمنى بالفعل أن ينجح حفلهم الأول، أو دعوني أقول (حفلنا) الأول..
سننتظركم إن شاء الله.. وبقية التفاصيل من عنوان المركز وتوقيت بدء الحفل وما إلى ذلك سأدرجها قريبًا..
هناك ١١ تعليقًا:
بالرغم من انى مش حقدر احضر الحفل
لأنى من قاطنى القاهرة التعيسة
لكن يمكننى تمنى التوفيق
لك و للباند الجديد
و حاولوا تتواصلوا مع ساقية الصاوى
لأنها بتشجع الفرق الجديدة
بمختلف ألوانها الغنائية
:)
ما شاء الله.. مبروك ده أولا، وثانيا ايه المفاجآت دي؟
يعني كان معايا حق لما أصريت إنك تغني لما كان أصحابنا العمانيين موجودين! هيه هيه! طلعت بافهم بجد!
...
بغض النظر عن تمجيد ذاتي ده، وإن ده أصلا مش مكانه يعني - احم! - بس فعلا ده حدث قوي جدا: تأسيس الفريق، وإقامة أول حفل له، وإصراره على أن ينجح، وألا ييأس أبدا
المهم فعلا ألا يتسرب له اليأس مستقبلا، بعد انخفاض فورة الحماس الأولى، أو تأثير من لم يعجبهم الغناء - ما هو أكيد فيه يعني.. اختلاف الأذواق حقيقة لا شك فيها!-
..
والجميل جدا بالفعل إنك بتلحن! دي مفاجأة عظيمة أوي :)
الواحد بعد كده يكلمك إزاي!
:>:>:>
بالتوفيق دايما يارب، وسلامي لأخواتك :)
ألف مبروك يا ولاد ...
مبروك يا أحمد .. شفت بقى رأيي ما بيخيبش لما سمعتني صوتك في لقاءالمعرض واحنا ماشيين وقلت لك الأغنية حلوة جدا .. بس اللحن وحش عشان عمرو اللي عامله ههههههههه ... لا طبعا بس بجر شكله ... ربنا يوفقكوا يا ولاد .. لو عاوزين عازفين درامز أنا موجود أنا وعمرو ..
عمرو، نسيت أتفلحس عليك:
band بتترجم فرقة مش فريق! كده تبقوا إنتو فرقة زمان :)
بالمناسبة ايه نوع موسيقاكم؟ راب مثلا وللا ايه؟
أحمد سمير:
شكرًا يا أحمد على تهنئتك وتشجيعك وساقية الصاوي محطة مهمة لازم هيعدوا عليها إن شاء الله.. وساعتها لازم تحضر :P
حنين:
سلامك وصل لأخواتي، وفريق أو فرقة مش هنختلف يعني هههههههه
اللون الموسيقي مش محدد، بس هو مش مقتصر على حاجة واحدة، ومفيش مانع يغنوا راب لو في ضرورة لكده وعندهم الكلمات المناسبة لكده.. إنما أنا شخصيًا أقدر أقول إن الراب في حد ذاته مش لونهم خالص..
يارب لما تسمعي أغانيهم تعجبك بس :)
محمد الدسوقي:
يعني ايشعرفك أني انفع في الدرامز أساسا؟
وبعدين اللحن حلو ومش هتنجح في جر شكلي..
كلامك وصلهم وبيسلموا عليك كلهم :)
الف مبروك ياشباب
والله بجد انتم حاجة حلوة وعندكم عزيمة وقوة نفسية وطموح
عمورة ابقى صورهم فيديو عشان اسمعهم و
ارفع المشاهد ع اليوتوب
ماشي؟
فاطمة:
إن شاء الله هصورهم فيديو، وكمان الأغاني هتنزل MP3 بعد الحفلة وهرفعهم هنا بإذن الله
دعواتك معانا وكان نفسي تحضري :)
تتعوض إن شاء الله
ألف ألف مبروك يا شباب ..
ماتتصورشي الخبر ده فرحنى قد إية ؟
فاكر لما كنا قاعدين في السايبر وسمعتنى حاجة كانوا عاملينها ؟
قلت لك أبة ؟
بجد كنت حاسس أنى بسمع حاجة من التراث ..
الحانك جميلة جدا ..
انا مابقتشي عارف اية بالظبط اللي جميل فيك .. ألحانك ، ولا رسمك ، ولا كتاباتك ..
كلك على بعض حلو يا ولة
ههههههههه
عمور...
الحفل خلص والأغاني لسه ما اتحطش
انت بتشتغل علينا ولا إيه..
سلوى قريبًا راح تنتحر وهي في شوق لسماع ألحانك...
ما تطولش يا عم
ومبارك لك ولأخوتك
والي طلعو شبهك بالمناسبة..
بس ما عندهمش شعر أبيض
ههههههه
بالتوفيق لكم جميعا
زيزو
انا لم ادخل في حياتي الا حفلات معدوده
حفلات اسافر لها سفر لموسيقار سوداني بطيخي عظيم
وحفله لبطيخ عظيم تاني سوداني
وحفله لوسط البلد
وحفلتكم
الاخيره هي الابهى والاحب والاجمل
اكرر انه كان هيفوتني الكثير واللامعقول لو فاتتني الحفله دي
واتوقع انكم هتغزو كل اذان موسيقيه اصيله
خرافيين من الاخر
افتكروني بس في شعلة الشهره البطيخيه وتعالوا احييو ليلة فرحي عشان اتفشخر بيكم
الف الف مبروك
ابراهيم خليل
تهانينا للشباب
ياريتني كنت موجوده
حاجات زي دي مابتحصلش الا لما ابقى بعيد
الف مبروك للنجاح
إرسال تعليق