دوّر يمكن تلاقي

بحث مخصص

الجمعة، ١٩ أكتوبر ٢٠٠٧

( و لا نص كلمة ).. لا جديد تحت الشمس


على غرار ما يكتبه الناقد الغنائى - إن جاز التعبير - أشرف عبد المنعم فى جريدة الأهرام العدد الأسبوعى، اكتب بعد ملاحظاتى و آرائى عن ألبوم محمد فؤاد الأخير ( و لا نص كلمة )..


الصراحة حينما استعمت للألبوم للمرة الأولى شعرت أننى استمع إلى بعض الأغنيات القديمة لمحمد فؤاد لكن بكلمات مختلفة بعض الشىء، مما يعنى أننى لم ألحظ جديدًا فى الألبوم.. فلا الكلمات جاءت متجددة، و لا الألحان قدمت - اللهم إلا قليلًا - جديدًا.. أما آداء فؤاد فلم يتزحزح عن موقعه كثيرًا..


هذا هو الحال الذى كانت عليه الكثير من ألبومات هذا العام، حيث لم يقدم كل من ( إيهاب توفيق ) أو ( هشام عباس ) أو ( محمد نور ) جديدًا، و كانت ألبوماتهم تكرارًا لأفكار و ألحان و آداء قدم من قبل..


أما أفكار الأغنيات فقد دارت كلها فى فلك الحب و الغرام و الفراق و التوعد للحبيب و هكذا.. لم يخرج من هذا الفخ إلا أغنية واحدة فقط و هى ( خدنى الحنين )، التى تمس أيضًا نفس الفكرة من بعيد..


عامة هذا لا يمنع أن تكون هناك أغنيات أثارت إعجابى فى الألبوم، حتى لو كانت مكررة الفكرة.. و هذا ما سأحاول الإشارة إليه فى السطور القادمة:


- من أروع أغنيات هذا الألبوم هى أغنية ( لو ليا حق ).. تشد الانتباه منذ البداية بمقدمة موسيقية قوية و رائعة، و تنتقل إلى توزيع موسيقى عالى الحرفية، اقترب كثيرًا فى بعض الأجزاء من التوزيعات الموسيقية للفنان ( عمر خيرت )، تساندها كلمات الأغنية التى تعكس قوة و شموخ و كبرياء.. تستحق هذه الأغنية - فى رأيى - أن تكون أروع أغنيات هذا الألبوم.. و هى من كلمات ( نادر عبد الله ) و ألحان ( وليد سعد )، و توزيع الموهوب ( هانى يعقوب )..


- أغنية ( طمنى عليك ) يعكس صوت فؤاد فيها شجنًا جميلًا.. خاصة فى الشطر الذى يقول: ( و بأروح على صورتك أخدها فى حضنى و أنام ).. حيث يصل لأعلى درجات الإحساس على طول الأغنية.. و أجد أن لحنها مميز هى الأخرى، الأغنية من كلمات ( إيهاب عبده ) و ألحان ( محمد فؤاد ) نفسه، و توزيع ( مجدى داوود )..


- أغنية ( شايف نفسك ) هى نموذج للتكرار فى هذا الألبوم، فهى تشبه فى فكرتها و مضمونها نفس فكرة و مضمون أغنية ( طيب طيب ) لفؤاد فى ألبومه السابق ( حبيبى يا )، حيث حالة من البلطجة على الحبيب السابق، و التوعد بجعله ( يبص وراه ) و هو يمشى، أو يستدير ليتخذ طريقًا آخر كما جاء فى كلمات هذه الأغنية ( الكوميدية ) نوعًا ما.. حيث يقول له:


اطلع بقى من راسى و انسانى


هاقلبلك ع الوش التانى


يا هخليك لما تشوفنى


تلف تشوفلك شارع تانى


طبعًا لا يسعك إلا أن تضحك حينما تسمع هذه الأغنية.. فقط.. لكن هذا لا ينفى أن لحن الأغنية رشيق و راقص، تجد نفسك تتمايل معه بدون قصد..


كلماتها لـ( مهاد جودة )، و الألحان لـ( محمد رحيم ).. أما التوزيع فهو من نصيب ( فهد )..


- أغنية ( يا جت راحت ) كان اختيارها افتتاحية للألبوم موفق إلى حد كبير، حيث تميز لحنها الإيقاعى و التوزيع الذى اعتمد على الآلات الإيقاعية أكثر و كلماتها الحيوية، الأغنية كلمات ( نادر عبد الله ) و لحن ( وليد سعد ) و توزيع ( هانى يعقوب ) و هم نفس فريق عمل أغنية ( لو ليا حق )


- أغنية الألبوم ( و لا نص كلمة )، تميزت بلحن يتماشى مع الكلمات، و إن كنت أرى التكرار أيضًا فى آداء فؤاد الذى يتشابه مع آدائه فى أغنية ( حبيبى يا ) فى الألبوم السابق.. و إن كانت فكرتا الأغنيتين مختلفتين تمامًا.. و يتميز اللحن أكثر فى المقطع الذى يقول فيه ( و لا نص كلمة حلوة منى يستاهلها .. و لا نص كلمة عنه يستاهل أقولها ) و ما بعده.. الأغنية كلمات ( نادر عبد الله ) و ألحان ( وليد سعد ) بينما التوزيع فذهب إلى ( مجدى داوود )..


- و أختتم مقالى هذا بأغنية ( خدنى الحنين ) الأغنية التى تحمل توقيع فؤاد زاهيًا واضحًا، نوعًا ما أشعر أن الشاعر الذى كتبها كان يعرفنى بشكل أو بآخر.. الأغنية فعلًا بها حنين واضح لكل شىء مضى.. الشارع القديم و البيت الذى شهد الطفولة و النمو.. الجيران و الأصحاب.. و أرى أن كلمات الأغنية عبرت عن ذلك بشكل ممتاز.. اللحن أيضًا يتماشى مع الحنين السائد فى الأغنية، خاصة فى مقطع ( هنا أجدع جيران .. هنا أصحاب زمان .. هنا حب عدى و فات عليه عشرة خمستاشر سنة ).. ستظل هذه الأغنية هى أغنيتى المفضلة فى هذا الألبوم لفترة طويلة على ما أعتقد.. بقى أن أقول أنها من كلمات الشاعر الذى صار محترفًا بالطبع ( أيمن بهجت قمر )، و ألحان ( فؤاد ) نفسه.. أما التوزيع فهو لـ( محمد مصطفى )..


لم أتحدث بالطبع عن بقية الأغنيات، لأنها بصراحة لم تقدم جديدًا لأعلق عليه، و لم تعلق فى ذهنى من الأساس..


بقى أن أتساءل.. هل سنظل فى حالة اللاجديد التى تسيطر على مطربينا هذه الأيام ؟

هناك ٧ تعليقات:

من اجل عينيك يقول...

ياعمرو مفيش جديد آه بس على الأقل يحافظ على نفسه من الهوجة بتاعت اليومين دول

اعجبني تحليلك للألبوم
والشريط الآن اسمعه

اعجبني اغنية خدني الحنين وطمني عليك
والشريط كله حلو موت

جهد موفق ياجميل

غير معرف يقول...

F:

معاك حق.. بس مطرب بحجم محمد فؤاد - و أنا من محبيه بالمناسبة - بيكون عليه العين.. لما يقترب صدور ألبوم جديد ليه بيكون مطمع الجميع إنه يكون جديد فعلا.. بس زى ما قلت فى المقال ميمنعش إن فى أغنيات حلوة

الخبر اللى عرفته قريب إنه اختار أغانى الألبوم من بين 60 أغنية كان بيسجلها.. ياااااااااه.. يعنى كان فى خمسيين أغنية تانية مسجلها .. يا ترى بقى كان حالهم عامل إزاى ؟

واضح إن ذوقك حلو.. عجبتك أغنية خدنى الحنين، و اللى تعجبه الأغنية دى يبقى ذوقه حلو زى ذوقى :D

شكرًا على الاهتمام و التعليق

:)

غير معرف يقول...

يا هلا يا هلا...

إزيك يا عمرو يا بنى، و فينك و فين أراضيك كده ؟!

حلوة أوى المقدمة دى، ندخل فى الموضوع بقى... أنا شايف إن محمد فؤاد كـ"صوت" فهو أقل من العادى، ممكن نقول إنه بيعرف يغنى و إن ليه أغانى بعينها حلوة فعلاً و اللى قليلة بالنسبة لمجمل أغانيه الكتيرة فعلاً برضه، لكنه فى النهاية مش صوت رائع و ده رأيى الشخصى طبعًا اللى مش المفروض إنى بقوله عشان أسخف أى رأى تانى...

المهم إن فيه ملاحظة قالهالى واحد صاحبى، و هى إن أغنية (لو ليا حق) بالذات عبارة عن عدة أمثال عامة ملزوقة ببعض تقريبًا !! أقصد الكلام طبعًا، و حاجة تانية مش فى الأغنية دى بس و يمكن فى بقية الألبوم و هى أن فؤاد بيغنى على تون أو نغمة أو طبقة صوت عالية أوى على المعتاد من صوته المحصور دايمًا فى طبقة أقل، بيجيب آخره فعلاً يعنى و خصوصًا فى أغنية (لو ليا حق).. حبيتها بس من الأغانى اللى بتاخد وقتها و بتفقد رونقها مع الوقت، على عكس الأغانى اللى بعرف إنها جميلة فعلاً لما جمالها يزيد كل ما يمر عليها الوقت !


أغنية (خدنى الحنين) جميلة جدًا فعلاً، و المؤلف (أيمن بهجت قمر) رغم بعض تهييساته فى أغانى الأفلام إلا أنه أحد شعرائى المفضلين فى الأغانى على الإطلاق، و ممكن كل الأذواق تكون بتحبله أغنية ما لأنه بيكتب فى كل حاجة.. و أنا شايف إنه من أفضل الموجودين من فترة كبيرة و أكثرهم إنتشارًا..

كفاية كلام عن أيمن بهجت قمر بقى، و نرجع للألبوم.. أغنية خدنى الحنين هى أحسن أغنية (سمعتها) فى الشريط بإستثناء التوزيع اللى أنا مابحبذش أو يمكن بكره النوع ده من التوزيعات عمومًا، و اللى بفتكر فيه دايمًا جملة "فرح العمدة" !.. يمكن مش بالسوء ده بس المهم إنى كنت أتمنى توزيع أجمل من كده لأغنية زى دى...

ياااه ! إتكلمت كتير و صدعتك طبعًا.. عمومًا مقال كويس و محاولة جيدة بس محتاج خبرة أكتر، و أبقوا أدوا العيش لخبازه بقى ! :D






محمد/نيولايف

غير معرف يقول...

محمد اللى صدعنى :D:

إيه يا عم إنت اللى فينك و فين أراضيك ؟

بقى أدى العيش لخبازه ؟! ماشى يا كابتن بس لما ربنا يكتبلى و أشوفك.. حضر نفسك للتحول إلى بطة ميتة.. هههههههههه

المهم أنا متفق معاك فى حكاية إن فؤاد فى الأبوم ده بيغنى من تون عالى أوى زى ما بتقول.. ده رأى سمعته كتير و أنا كمان حسيته.. كنت دايمًا بأقول إنى حاسس إنه بيغنى و هو خانق رقبته بإيده، فبيحاول يعلى صوته على قدر الإمكان علشان يفلت من الخناق ده..

أغنية لو ليا حق تقدر تقول إن توزيعها الموسيقى هو اللى خلاها فى نظرى إنها حلوة جدًا.. بعكس أغنية خدنى الحنين اللى هى عالية فى كلماتها إنما توزيعها زى ما إنت قلت ( فرح العمدة ) أو التوزيع اللى بيعتمد على الإيقاع المقسوم، و على رأى أشرف عبد المنعم بيسميه التوزيع إياه..

شكرًا على مرورك و رأيك اللى وحشنى من زمان إنى أسمعه فى أى مجال.. و يبقى اظهر فى روايات.. محتاجينك هناك

سلام يا صاحبى

روز يقول...

تشبه أغنية (خدني الحنين) حواديت شارعنا أو (حكايات شارعنا) من كلمات جاهين
لم أسمع الأغنية لكني قرأت كلماتها في (أسطورتهم) تقريبا لد. أحمد خالدتوفيق
لا أذكر على وجه التحديد اسم العدد
لكن التشابه بينهما موجود، وأغنية فؤاد جميلة أيضا
****
جميل ما كتبت عن الألبوم :)

ronel_elswda يقول...

اهلاااااااااا عمرو ..
اخبارك يافندم؟
طايب بما انى داخلة اعلق على الموضوع
فا احب ااقوللك ان نقدك للأغانى رائع
وانا كنت دخلت من فترة وعلى اساس كلامك رحت حملت الالبوم وفعلا رأيك سليم
انا عجبتنى (وإنته جنبى )
فيما عدا ذلك موش اتشديت لشئ معين

فى انتظار مواضيعك الجديدة :)

غير معرف يقول...

سلام عليكم يا عمرو

مقالة كويسه للالبوم

يس انت نسيت اغنية ( خايف موت ) واللا هى فعلا مش عجباك ؟

فيها تشبيهات حلوة اوى بجد

راحت وسابت قلبى خايف موت
وسابتنى عايش كل تانيه باموت
تمثال ملامح فاضى من جوه
مجروح
وباصرخ
بس ... من غير صوت
وكان شىء جوايا مالت فيا
ميقاش فيه طغم لحاجة حواليا
انا بس عايز اعرف انا هاعيش ازاى ؟؟؟
انا كنت عايش ليها.... مش ليا
بالنسبه لغنوة ( طمنى عليك ) هى فعلا تحفه .... بس حتة انها الحان فؤاد دى فيها كلام
اللحن تركى يا عمرو وفؤاد اخده زى ما هو وخلى شاعر صب عليه الكلام :)

اسف لاى اخطاء املائية العتب على الكى بورد :)

Related Posts Plugin for WordPress, Blogger...