فى المدرسة اتعلمت
إزاى أقرا و أحفظ
و أكتب
و أجمع و أطرح و أقسم
و أضرب
إزاى أسمى قبل ما آكل
و قبل ما أشرب
بس متعلمتش وقت المواجهة
إنى أهرب
متعلمتش أخاف و اترعش
و اتكهرب
بس للأسف.. متعلمتش برضو
إزاى أضرب
و آدى الحياة علمتنى كل اللى فوق ده
عشان كده ريحت دماغى
و جبت قلم جاف تخين
و فوق اللى اتعلمته زمان
قعدت أشطب
و أشطب
و أشطب
*********
هناك ٣ تعليقات:
ومن قال فقط ان الذي تعلمته في المدرسة فقط هو الذي سيشطب
تأكد ان هناك الكثير مما تتعلمه الان ستشطبه غدا
فهذه سنة الحياة...تعطيك المشط عندما يسقط شعرك
والمشط الذي ستعطيه لك في النهاية هو الخبرة والحكمة والنظرة العميقة
ولكن للاسف ستكون قد سلبتك الصحة والقوة والطموح والاقبال على الحياه
لذلك لا تحزن على ما فات ولا تفرح بما هو آت
وانصحك بان لا تشطب كل ما تعلمته
تصدق ياعمرو من جمالها مش قادرة اعلق عليها
يمكنن بجد وجعتنى من كتر مصداقيتها بس بجد رائعة
والاوزان غير مفتعلة على الاطلاق وان كان هذا لا يمنع ...لان لم تعجبنى اشطب اللى فى الاخر دى
علشان ماكنتش على القافية
ورغم اساسا كونها المحور الاساسى فى القصيدة الا انى حسيت انها جت بسرعة قوى...مش تكتب حاجات طويلة شوية
يااخ انت
على فكرة انا من متابعين المدونة وقد قراتها سابقا واعدت قراتها الان..انت اللى مش مهتم بالمدونة ومابتحطش بوستات علطول(وش غاضب)ا
ششششششش دشششش اشششش دشششش وششش
أعجبتنى كثيرا تلك الحاله
المختلفه والفكره جديده جدا
تسلم ويارب دايما في نجاح
إرسال تعليق